зениттік артиллериялық кешен

(зенитный артиллерийский комплекс (ЗАК))

артиллериялық ату арқылы әуе нысаналарын жою үшін қолданылатын зениттік зеңбірек (бір немесе бірнеше) пен әр түрлі техни-калық құралдардың жиынтығы. З.а.к-нің негізгі элементтері: оқ-дәрілері бар зениттік зеңбіректер, зеңбіректік көздеу станциясы, артиллериялық зениттік атуды басқару құралы немесе есептеу құрылғысы; қашықтық өлшеуіш, синхронды беру және іздеу жүйесі, электр агрегаттары. Қазіргі заманғы З.а.к-нің элементтері бір базада (өздігінен жүретін зениттік қондырғы), сондай-ақ жекелей орналасады. Жекелей орналасқан жағдайда зеңбіректік көздеу станциясы, артиллериялық зениттік атуды басқару құралы және жабдықтау агрегаттары жеке көлікте орналасады, сондай-ақ барлығы бірге радиоқұралдар кешенін құрайды.